محمد رمضان يدخل على خط الأزمة بين بيومى فؤاد ومحمد سلام..ويؤكد : محدش فى الاتنين غلطان
علق الفنان محمد رمضان على أزمة تصريحات الفنان بيومي فؤاد التي شّن خلالها هجوما على الفنان محمد سلام بعد انسحابه من مسرحية «زواج اصطناعي» ضمن موسم الرياض، لعدم قدرته على تقديم العرض بالتزامن مع العدوان على غزة.
وفي مقطع فيديو نشره محمد رمضان عبر حسابه على إنستجرام قال رمضان: «شيء قاسي إن يبقى أكتر حد إنت عايز تسعده وتبسطه وتنال رضاه هو اللي يكون قاسي عليك بالكلام.. كلامي عن اخواتي وحبايبي بيومي فؤاد ومحمد سلام وأنا بتشرف بزمالتهم الاتنين».
وتابع: «مساء الخير عليكم، مساء الخير لكل جمهور عربي … راس مال أي فنان هما الناس اللي هما حضراتكم، بنطلب من كل حبايبنا ومن كل اللي حوالينا ومن أبويا وأمي يدعو أن ربنا يحبب فيا الناس ويحبب فيا الجمهور اللي هو حضراتكم.
وأضاف محمد رمضان: لا محمد سلام غلط ولا بيومي فؤاد غلط ده احنا لو غلطنا واحنا بنصلي ربنا بيسامحنا ايه اللي هما عملوه عشان كل ده؟ وكل اللي بسمعه خلال الأيام اللي فاتت عن سلام إنه مش هيشتغل تاني دا مش هيحصل لا إحنا كفنانين هنسمح بدا ولا الجمهور هيسمح بدا ولا إحنا مع اللي بيحصل في بيومي بعد ما قفل التعليقات بسبب الانتقادات اللي بتجيله… يا ريت نكون أحن من كدة على بعض.
وكان سلام أعلن اعتذراه عن السفر إلى السعودية لعرض المسرحية تعاطفا مع المجازر الإسرائيلية بحق الفلسطينيين في غزة، وبعدها بأيام علق بيومي فؤاد، بطل المسرحية، على الأمر، مهاجما موقف سلام، ما عرّضه لانقادات واسعة من الجمهور والفنانين.
