واحنا على أبواب معرض القاهرة للكتاب عاوز أقول كلمتين مزنوقين جوايا:
عزيزي الكاتب الكبير والروائي والشاعر والمثقف والقارئ وحاصد الجوايز وامبراطور المؤتمرات
احتفل بغيرك .. اكتب عن غيرك
شير أغلفة غيرك مش بتاعتك بس
احضر ندوات غيرك مش بس الندوة اللي هاتمسك فيها المايك
إقامة المعرض معناه إنه مصر بخير وصامدة وباصة على المستقبل
وعن نفسي اتعودت من سنين سواء في الكويت أو مصر أخصص رحلة يوم لولادي ناخد ساندوتشات وميه ونقضي اليوم كله وسط الكتب ونصرف ميزانية شراء لهم
إقامة المعرض معناه فرصة لقاء الأصدقاء والاحتفاء بتجارب الزملاء مش الاستغراق في النرجسية
ياريت حقيقي كنت أملك الوقت والطاقة إني احتفي بكل كتاب
وإني أقدر أقول شكرا لكل مبدع راحل وأقرا له الفاتحة
وشعوري دايما إنه المعركة الدايرة حوالين ذاتك بائسة جدا لو تحررت منها هاترتاح
إحنا كلمة بتوصل لكلمة
وإيد بتمتد لايد
وقلب بيسند على قلب
