الرئيس فى كلمة ارتجالية: الفترة الحالية .. ستشهد الكثير من الإثم والإفك والبهتان والشرور والكلام غير اللائق ضد الدولة

الأمم تقوم على الصدق والعمل والأمانة وليس على الكذب والإفتراء والهدم والخيانة

الأشرار لن ينجحوا فى التدمير والفرقة..دى مش سنن ربنا

منهجنا مستقيم وأمين وشريف ومخلص لله

..ويخاطب المواطنين : «مش هقولكم اطمئنوا بينا ولا بالحكومة..اطمئنوا بالله سبحانه وتعالى»

أكد الرئيس عبدالفتاح السيسى أن الفترة الحالية ستشهد الكثير من الإثم والإفك والبهتان والشرور والكلام غير اللائق ضد الدولة. وأضاف فى كلمة مرتجلة خلال فعاليات إحتفال وزارة الأوقاف بذكرى المولد النبوي الشريف، اليوم الأربعاء: «مفيش أمم أبدا قامت إلا على الصدق والعمل والأمانة لا على الكذب ولا على الافتراء ولا على الهدم والخيانة ». وأوضح الرئيس : «مفيش أمة في العالم تطلع للأمام من غير ما تاخد بأسباب الدنيا لكن يحرسها مسار أخلاقي عميق». واستطرد: «بقول للأشرار اللي بيتصوروا إنهم ممكن ينجحوا.. مفيش نجاح غير بسبيل المصلحين.. الهدم والخراب والتدمير والتشكيك وإشاعة الألم والفرقة والانحطاط والانهيار والكذب لا يمكن أن تنجح.. دى مش سنن ربنا». ووجه الرئيس السيسى حديثه للدعاة على المنابر قائلا إن المنهج الذي يتم إتباعه يحرص على أن يكون أمينا مستقيما. وأضاف خلال فعاليات احتفال وزارة الأوقاف بذكرى المولد النبوي الشريف: «أنا بقولكم أنتم دعاة بتتحدثوا إلى الناس في المنابر.. المنهج اللي إحنا ماشين بيه بيحاول إنه يكون مستقيم وأمين ومخلص لله وشريف في هذا المسار». وأوضح : «رغم كل ظروفنا الصعبة لكن معنديش شك إن ربنا هيسدد الخطى.. ولازم تكون عندنا ثقة في الله سبحانه وتعالى وفي المسار اللي إحنا ماشينه مهما كانت الظروف صعبة». وتابع الرئيس مخاطبا المواطنين: «مش هقولكم اطمئنوا بينا ولا بالحكومة.. هقولكم اطمئنوا بالله سبحانه وتعالى».