الزمالك و الميركاتو الصيفي... الجمهور متفائل والإعلام مستغرب

في تحرك مفاجئ وسريع، بدأ نادي الزمالك يغير من خريطته الفنية بشكل واضح خلال سوق الانتقالات الصيفية، بعدما أنهى التعاقد مع 9 لاعبين دفعة واحدة، ضمن خطة لإعادة بناء الفريق ومنافسة الكبار من جديد. الصفقات شملت لاعبين من مصر وخارجها، في مزيج يجمع بين الخبرة والمهارة والشباب، والهدف واحد: استعادة هيبة الزمالك.

أسماء الصفقات الجديدة:

مهدي سليمان: حارس مرمى مميز، انضم في صفقة انتقال حر، ويمثل إضافة قوية للخط الخلفي. شيكو بانزا: مهاجم أنجولي قادم من الدوري البرتغالي، صفقة ينتظر منها جمهور الزمالك الكثير. عمرو ناصر وأحمد شريف: ثنائي هجومي من فاركو، والرهان عليهما لبناء خط هجوم شاب. آدم كايد وعدي الدباغ: ثنائي فلسطيني انضم مجانًا، خاصة عدي اللي لفت الأنظار مع منتخب بلاده. عبد الحميد معالي: لاعب مغربي من اتحاد طنجة، بيتميز بالسرعة والمهارة. أحمد ربيع: لاعب خط وسط من البنك الأهلي، بيعرف يربط بين الدفاع والهجوم. محمد إسماعيل: من نادي زد، شاب واعد بيتم تجهيزه للمستقبل.

كم كلفت الصفقات؟

حسب موقع "ترانسفير ماركت"، الزمالك صرف حوالي 5.28 مليون يورو على الصفقات الجديدة (حوالي 300 مليون جنيه مصري)، وفي المقابل، دخل النادي حوالي 1.25 مليون يورو من بيع لاعبين، يعني الأمور ماشية بتوازن نسبي.

الجمهور متفائل.. والإعلام مستغرب!

الإعلامي أحمد شوبير قال في تصريحات أخيرة: "اللي بيحصل في الزمالك جديد وغريب.. النادي بيتحرك صح، وصفقاته بتقول إنه راجع ينافس بقوة". وده فعلاً واضح من شكل الصفقات، خصوصًا إن الإدارة بتحاول تبني فريق متكامل من دلوقتي، بدل ما تستنى آخر الموسم.

الزمالك راجع؟

الواضح إن الزمالك بيحاول يقفل كل الثغرات اللي كانت موجودة الموسم اللي فات، وبيشتغل على كل الخطوط، وده بيخلي جمهور النادي متفائل بموسم مختلف، خصوصًا لو حصل استقرار فني خلال الفترة الجاية.