يقدم “
“سر من أسرار البسبوسة من غير لبن ولازبادى ولا بيكنج بودر وبتطلع طريه ومرمله الفرن يكون ساخن لأنها لو اخذت وقت فى الفرن كتير بتنشف بنضيف عليها الشربات ساخن تكات بسيطة بتفرق.
المقادير
3 كوب سميد
كوب سكر
كوب سمنة
كوب ماء
الشربات
كوب ونص سكر
كوب ونص ماء
نص عصير ليمونة
حطيهم على النار يغلوا خمس دقايق واقفلى النار
نضع كوب السكر فى طاسة وسبيه يكرمل انزلى عليه بكوب الميه فى الأول هيجمد قلبى لحد ما السكر يدوب تانى فى الميه حطى السمنة اول ما تسيح اقفلى النار
فى طبق ضعى دقيق السميد ومعلقتين جوز هند اختيارى وقلبى انزلى عليهم بخليط الميه والسكر وقلبى يدوب تجمعى المكونات ادهنى صينية بالسمنة وصبى الخليط اخبطى الصينية على الرخامة علشان تساوى السطح غطى الصينية بكيس وسبيها نص ساعة قبل ما تدخليها الفرن بعد كده دخليها فرن ساخن واول ما الجوانب تتحمر اقفلى الفرن وشغلى الشوايه تاخد لون
ثم اخرجيها من الفرن ضيفى الشربات ساخن وغطيها وسيبها لحد ما تبرد تماما هتاكلى أحلى بسبوسة طريه ومرمله.
