شهدت قرية نصرالله بمحافظة مركز أبو حمص بالبحيرة فرحة كبيرة لحصول ابن القرية الطالب أحمد ممدوح الحداد على المركز السادس مكرر قسم علمي علوم في الثانوية الأزهرية على مستوي الجمهورية بمجموع 646 درجة.
أضاف الطالب لـ
أنه علم من خلال موقع الأزهر الشريف وكان متوقعا النتيجة ومجموع الدرجات لما بذله من مجهود كبير طيلة العام الدراسي مشيرا إلى دعم والديه وأخيه الأكبر.
وأشار أحمد كنت محتار بين الطب والذكاء الصناعي. لقيت الذكاء الصناعي ممكن أدرسه أونلاين، فقررت أختار الطب بجانب دراسة الذكاء الصناعي ذاتيا الجمع بين المجالين هيدي لي فرصة أحسن وأتميز عن غيري.
والد احمد ربنا كرمه باجتهاده وفضله. والحمد لله ربنا له إرادة وحكمة إنه يوصل للي هو فيه ده في الأول وفي الآخر ده فضل ونعمة من ربنا هو اجتهد وربنا إداله.
واضاف الدكتور محمود ممدوح الحداد، شقيق أحمد الاكبر. إحنا تلاتة إخوات، أنا الكبير وهو وأختي الوسطى. أنا طبيب صيدلي خريج دفعة 2015 أزهر القاهرة، ثانوية 2009-2010.
نفس الفرحة اللي حسيناها دلوقتي حسيناها قبل كده، بس الفرق إن الفرحة حاليا لا تسع الدنيا كلها. أخويا من الأوائل على الجمهورية، فالحمد لله ده فضل من ربنا إن شاء الله ، و
أحمد طول عمره متفوق، وطول عمرنا في ضهره، واقفين بالنصيحة والتوجيه ومدرسيه بالتدريس والنصيحة والتشجيع.
واضافت عبير ممدوح أخت أحمد بصراحة الفرحة كانت كبيرة جدًا، وماكنتش متوقعة، كنت متوقعة له الأول على الجمهورية، بس الحمد لله إنه جاب السادس.
أحمد طول عمره هادي ومتفوّق في الدراسة، وكنت بقول له ذاكر يا أحمد وهو صغير وكان بيذاكر وبيساعدني وكان بيحفظ معايا القرآن قبل ما أسيب البيت ، وختمه عند المدرس .
وأكد الأستاذ صبري حجازي مدرس مادة الأحياء: أحمد من يومه متفوق، مش جديد عليه وفي الثانوية كان دايماً الأول، وكان مرتب في مذاكرته ودي أهم حاجة في الطالب إنه يكون مركز في هدف واحد ومصدر واحد ومرجع واحد ، وكان بينظم وقته ودراسته، وفي النهاية قعد مع نفسه بعد ما خلص المنهج يضبط أموره ، ودي المفروض كل طالب يعملها بعد ما ياخد المعلومة.
