إيمان العاصي: دخلت الفن «علشان أغيظ خطيبي»

كشفت الفنانة إيمان العاصي في حديثها للاعلامية منى الشاذلي ببرنامجها معكم على شاشة سي بي سي  عن بداياتها في الوسط الفني، موضحة أنها دخلت المجال ليس حباً في التمثيل ولكن بهدف إزعاج خطيبها الذي كانت على خلاف معه خلال تلك الفترة. وقالت: "أنا في الجامعة كان عندي صديقة بتشتغل موديل وكانت رايحة تعمل جلسة تصوير، وأنا وقتها كنت متخانقة مع خطيبي ومكتئبة فقلت لها خديني معاكي أنا عايزة اتصور، روحت عملت الفوتوشوت ده وعارفه إن هو هيجننه، وعارفه إننا هنرجع كده كده، بس صاحبتي قالت لي المصور كلمني وعاوز يحط صورتك على غلاف المجلة قلت لها حطيها عشان يتغاظ أكتر". وعن أول دور تقوم بتقديمه على الشاشة قالت إنه كان بصحبة الفنانة رغدة، وقالت: "اللي نزل الصورة على المجلة وقتها كتب إني بحب التمثيل واشتغلت موديل، فخطيبي جاب المجلة وجالي واتخانقنا".