الشاعر هاني الدسوقي .. يكتب: سكت الكلام

سكت الكلام

حتى اللسان عاجز يقول كلمة حرام سكت الكلام

وبدأنا مرحلة الخطر ومفيش سلام

الدم سايل فى الشوارع ع البيوت

والحق ضايع كل يوم عمال يموت

وبنينا بيت عشش عليه العنكبوت

والفرحة فى عيون البشر

مش باينة من كتر الضلام

سكت الكلام

العدل ليه عايش وهو مات شهيد

نطق الشهادة الكبير حتى الوليد

والأم صرختها اللى بتهز الحجر

نطق الشجر وقال فى ورايا 1000 إيد

إيد جاية تهدم كل شىء و دا شيء أكيد

ومهما حاولوا يهدو حنبدأ من جديد

مسير الحق يرجع مهما ح ننتظر

الحق صوته أعلى واحنا على وعيد

يا انتو يا احنا واحنا منسيب حقنا

وان مهما غاب مسيره بردو راجع لنا

انتم معاكو سلاح طبيعى تفرحوا

بس اللى أقوى من سلاحكم ربنا