زوجة تطلب الطلاق : جوازه ميري بيصحينى 6 الصبح وبيجبرنى ألبس زي موحد

توجهت زوجة شابة لمحكمة الأسرة في دعوى طلاق مثيرة تطلب الانفصال عن زوجها، بسبب ما وصفته بـالهوس بالنظام والانضباط "، الذي حول حياتها الزوجية إلى معسكر يومي. قالت الزوجة في دعواها جوزي من أول أسبوع جواز طلب مني ألبس زي موحد في البيت، قال إن اللبس العشوائي بيأثر على الطاقة، ولازم كل يوم يبقى فيه شكل معين: يوم أبيض، يوم كحلي، يوم رمادي". أضافت بيصحينى 6 الصبح، ويقولي: لازم تبدأي اليوم صح ترتيب السرير في 3 دقايق، جدول الأكل معلقه في المطبخ، وحتى وقت الكلام لازم نلتزم بيه" وتابعت الزوجة: "أنا اتجوزت راجل مش قائد كتيبة، وبيزعق لو كسرت القواعد، لدرجة إنه خاصمني أسبوع عشان نسيت ألبس الشراب المخصص ليوم الخميس" المحكمة قررت تأجيل الجلسة لمحاولة الصلح، وسط ضحك خافت في القاعة من غرابة تفاصيل الحياة الزوجية التي سردتها الزوجة.