كتبت ـ ثناء القطيفى
كشف عوض الطحاوي، والد الطفلة التي أصيبت بالعمى، في عزبة جميل التابعة لمركز أبو المطامير بمحافظة البحيرة، تفاصيل استجابة رئيس الوزراء لعلاج ابنته بعدما فقدت بصرها خلال اليوم الدراسي عندما قام الطلاب بخبط الباب في وجه ابنته وإصابتها.
وقالت والدة الطالبة بسمة عوض، إن نجلتها في الصف الثاني الإعدادي، وفقدت بصرها قبل 4 أعوام، موضحة: بنتي جت في المدرسة قالتلي إنها مش شايفة خالص بعينها وإن الأطفال بالمدرسة فتحوا عليها باب الحمام جامد، ومكانش في أي دم أو جروح، ولكن الخبطة أثرت على الشبكية.
وأضافت والدة فتاة البحيرة بعد استجابة رئيس مجلس الوزراء لعلاج نجلتها: بنتي عملت 11 عملية لكن الأطباء أخبرونا إن في نزيف على شبكية العين ومش هتقدر تشوف تاني، وكل مرة كنت بتأمّل إنها ترجع تشوف تاني لكن العملية كانت بتفشل وطول السنين دي بنعاني.. وأمنية حياتي بنتي ترجع تشوف تاني.
واستكملت: كنا عارفين إن في زيارة لرئيس الوزراء وأبوها أخدها وانتظروه في الشارع بقالهم أيام، والنهاردة الفرحة مكانتش سايعاني لما زوجي اتصل بيا وقالي إحنا طالعين على المستشفى لعلاج بنتي وإن رئيس الوزراء كلف بعلاجها.. كان دايما بنتي إيمانها قوي بربنا وتقول أنا عارفة إني هرجع أشوف تاني.
