والدة رضا البحراوى بخير وأبو الليف يعتذر عن خبر وفاتها

نفى أحمد جلال مدير أعمال المطرب رضا البحراوي ما تردد حول وفاة والدة البحراوي قائلا: هي بخير وخبر وفاتها غير صحيح وربنا يشفيها. وكان قد أعلن ابو الليف خبر وفاتها على صفحة التواصل الاجتماعي "فيس بوك"، ولكنه اعتذر، وقال بعتذر عن خبر وفاة والدة النجم رضا البحراوي، وصلتني المعلومة عن طريق الغلط، أنا بعتذر لصديقي النجم رضا البحراوي وربنا يبارك في صحة الوالدة، كل التقدير والاحترام وبكرر اعتذاري وأسفي الشديد. وطرح مؤخرا رضا البحراوي أغنية المقص التي قدمها ديو مع تامر حسني، من فيلم ريستارت، والأغنية من كلمات وألحان تامر حسني، وتوزيع وميكس عمرو الخضرى، ميكس صوت الغناء م/ مودي منير، ماستر علي فتح الله. وتقول كلمات الأغنية: بغني وأقول موال عن صحبة الأندال لما صاحبنا آمنا ولما عاشرنا ندمنا بس خلاص اتعلمنا يا معانا يا مش معانا مالناش في النص نص عايز تقطع علاقتنا خد يلا المقص وقص ناس غريبة جدًا ولا أي شيء كان عاجب نديهم عنينا يقولوا طب ما تجيبوا الحواجب مش مهم الوجع المهم عرفنا مين فينا ندل ومين جدع إحنا آه جدعان وناس أصيلة وطيبين بس عند الكرامة لأ ولا بيفرق هنخسر مين إحنا ماسبناش حد كويس هو اللي مامسكش كويس.