يا نلحقها يا ما نلحقهاش.. عمرو أديب يوجه استغاثة لإنقاذ شيرين عبدالوهاب

وجه الإعلامي عمرو أديب استغاثة عاجلة بشأن الفنانة شيرين عبدالوهاب، على خلفية ما وصفه باختفائها ومرورها بظروف صعبة، مطالبًا الجهات المعنية والأشخاص القريبين منها بسرعة التدخل لإنقاذها. وقال عمرو أديب، خلال تقديمه برنامج «الحكاية»: «يا نلحقها يا ما نلحقهاش.. شيرين عبد الوهاب محتاجة حد يدخل ويساعدها، عايزين نلحقها، الست محتاجة المساعدة». وأضاف: «في ناس عارفة شيرين فين وحالتها عاملة إزاي.. أنقذوها يا جماعة، دي محتاجة حد يدخل يبصلها كإنسانة قبل ما تكون فنانة». وتابع أديب موضحًا أنه يتحدث انطلاقًا من شعوره بالمسؤولية الإنسانية، قائلًا: «أنا بقول كده علشان أكون عرفت حاجة وبلغتها وقولتها.. في شيء ما يحدث، وربنا يحرك حد وينقذها.. الحقوا شيرين عبد الوهاب، ويكفي شرف المحاولة إننا أطلقنا الاستغاثة علشان حد يساعدها». كما أشار إلى القيمة الفنية الكبيرة لشيرين، مؤكدًا أنها تستحق الدعم والوقوف بجانبها، قائلًا: «الناس بتسأل شيرين فين.. دي فنانة غير عادية، وفي ناس تستحق إننا نقف جنبها ونحاول علشانها». واختتم عمرو أديب حديثه بنداء مباشر للجهات المختصة، قائلاً: «أنا عارف إن في ناس عارفة شيرين فين وإيه اللي بيحصل.. أرجوكم وأتوسل إليكم حد ينقذها.. مافيش وزارة مسؤولة عن الكلام ده؟ وزارة التضامن الاجتماعي أو دكتور أو مستشفى تساعدها».