الرئيس فى كلمة إرتجالية :مش عاوز أسيئ لحد قبل كده..والله العظيم ملقيت بلد
“أنا لقيت أى حاجة وقالولي خد دى”
لم يحدث على الإطلاق خروج 12 مليار من البلد مع مسئولين بالدولة
أكد الرئيس عبدالفتاح السيسى أنه تمكن من بناء أسس دولة قادرة على الانطلاق في الفترة المقبلة.
وقال فى كلمة إرتجالية خلال الندوة التثقيفية الـ39 للقوات المسلحة بمناسبة الاحتفال بيوم الشهيد اليوم السبت: قلت للمسئولين قبل كده.. أنا عملتها خلاص ولازم نتبع كلنا..خليتها بلد قادرة على إنها تبقى بلد وتنطلق بعد كده.
وأوضح : طب إحنا بنعاني بعد كده.. آه نعاني بس تبقى بلد.
وقال إن كل الجهود التي بُذلت طوال الفترات الماضية كانت داخل الدولة، مؤكداً : «مفيش مثلا 10 أو 12 مليار دولار خرجوا من مصر علشان فيه المسئولين بالدولة خدوهم.. موضحا أن مثل هذه الأمور لم ولن تحدث على الإطلاق.
وأوضح : أنا مش عاوز أسيئ لحد قبل كده.. بس أنا والله العظيم ملقيتش بلد.. أنا لقيت أي حاجة وقالولي خد دي.. إحنا إمكانياتنا مش كبيرة».
وأوضح أن الدولة كانت تعيش على 6% من مساحتها، وارتفعت حاليا إلى 12%، متسائلا: «كنا قاعدين نجري وراء بعضنا في الـ6% من أسوان لإسكندرية لغاية ما البلد كانت صعبة علينا كلنا.
