اللهجة المصرية العامية هي لهجة سلسة ولينة قادرة على التطويع والذهاب بنفس الكلمة إلى عدة معانى مختلفة حسب الموقف.
ورغم أن مصر تعرضت للعديد من موجات من الإحتلال على مدى تاريخها من هكسوس وأتراك وإنجليز وفرنسيين ولكن لم يستطع أي منهم طمس هذه اللهجات ومحوها ولكن العديد منهم هم من تأثروا وتحدثوا بهذه اللهجة العامية.
ومن أشهر من إستخدموا اللغة العامية فى أشعارهم ودفعوا ثمناً لهذه الكتابات والأشعار والقصائد والتى تتسم بالبساطة والوصول بسلاسة للمواطن البسيط، بيرم التونسي والذى تم نفيه ومنعه من دخول مصر بسبب قصيدة ألفها عن الملك فؤاد، وصلاح جاهين الذى عانى من غضب السلطة والتضييق عليه بسبب رباعياته، وكذلك أحمد فؤاد نجم، الذي كانت قصائده سبباً في دخوله السجن أكثر من مرة.
وهنا نستعرض كلمة واحدة ومع ذلك تعطى العديد من المعانى المختلفة حسب موقف إستخدامها وهذا دليل على عبقرية اللهجة العامية المصرية وهى كلمة ( الإيد).
- إيدو بيضا : يعنى صاحب فضل ومعروف .
- إيدو ماسكة : بخيل .
-ايدو فِرطَه: كريم بزيادة .
- إيدو طايلة : بيقدر يعمل حاجات كبيرة
- إيدو واصلة : واسطته قوية .
- إيدو طويلة : حرامي .
- إيدو خفيفة : نَشَّال أو شاطر .
- إيدو مخرومه : مبذر ، مسرف .
- إيدو طارشة : يعنى بيضرب جامد وفى أى حته .
- إيدو علي قلبه : بيخاف كتير .
-إيدك معايا : ساعدنى .
- إيد ورا وإيد قدام : ممعهوش حاجه أو مايقدرش يعمل حاجة .
-على حطة إيدك : مفيش تغيير .
-تسلم إيدك : ألف شكر .
-إيدك مِنُّه و الأرض : مفيش فايده فيه
-إيدك ع المعلوم : هات الفلوس
-و الإيد قصيره : يعني مفلس أو غير قادر .
-إلي إيده فى الميه مش زى اللى إيده فى النار : إنت مش حاسس بيه.
-ماسكُه من إيده إل بتوجعه : ماسك عليه زَلَّه
-إيدي على كتفك : أنا معاك أهه .
-إيده تتلف في حرير : شاطر الاداء
-جاى و إيده فاضيه : ماجابش حاجه معاه
-إيدى متكتفه : عاجز إنى أعمل حاجه
-عصفور في اليد : فرصه متضيعهاش
هذا هو مثال لكلمة واحدة، فهل هناك تنوع ومرونه وثراء أكثر من ذلك ؟.
