عفاف شعيب تتصدر التريند بعد نقدها فنانات خلعن الحجاب

تصدر اسم الفنانة عفاف شعيب محركات البحث بعد تصريحاتها في برنامج "قعدة ستات" حيث "انتقدت المبالغات الكبيرة في الدراما والسينما المصرية على حساب الدور. وقالت عفاف شعيب: زعلت أن شهيرة وسهير رمزي خلعوا الحجاب بعد فترة طويلة 22 سنة بعد العمر دا ليه تخلعوا الحجاب، هما حلوين بالحجاب ومن غيره، بس اللي يزعل يزعل، ربنا اللي بيحاسب العباد مش أنا، لما هتحط في القبر هبقى لوحدي وكل واحد حسابه لوحده. وأضافت الفنانة عفاف شعيب "كنا بنشتغل زمان بإمكانيات قليلة جدًا لكن العمل كان يتغاضى عنها، كان فيه بساطة ومكنش في العقد والكلاكيع بتاعت دلوقتي". أوضحت: "حاليًا الحوار مش عاجبني، بشوف مسلسل من يومين في مشهد واحد كان بيشتم أمه، معقولة! زمان كان في رقابة، آه الدراما بتتاخد من الواقع، بس مش بنظهره بالشكل ده". وعن الإبهار في الدراما على حساب الدور قالت: "بقى كتير جدًا، القصور والبيوت والديكور وكله، حتى اللبس بقى مبالغ فيه على حساب الدراما، ايه البناطيل المقطعة دي؟ مكنش في الكلام ده زمان كنا بنلبس فساتين وحاجات شيك". وقالت: "المبالغة بقت كتير، مثلًا اللي بتبقى قايمة من النوم برموش ومكياج، أنتي نايمة بالرموش؟" وأكدت أنها من أجل دور "زينب" الذي قدمته في مسلسل "الشهد والدموع" ذهبت إلى مكتب صرف المعاشات للاحتكاك بسيدات مثل "زينب" لتستنبط منهم تفاصيل الشخصية، مثل طريقة وضع الأموال في منديل، أو تشبيك بدبوس وغيره. يذكر أن آخر أعمال عفاف شعيب كان مسلسل "محارب"، وعرض في موسم رمضان 2024 من بطولة حسن الرداد وأحمد زاهر وناهد السباعي وماجد المصري ونرمين الفقي وتامر عبد المنعم ومحمود ياسين جونيور وملك أحمد زاهر، تأليف محمد سيد بشير وإخراج شيرين عادل وإنتاج أحمد السبكي.