خرجت دانا زوجة حسام حسن المدير الفني لمنتخب مصر، عن صمتها للرد على الجدل المثار مؤخراً حول ما تردد عن "خناقة الساحل"، مؤكدة أن الأمر لا علاقة له بقصة "زوجتين" كما يتم الترويج له.
«دانا» زوجة حسام حسن تكشف المستور في خناقة الساحل
وقالت دانا في فيديو نشرته عبر حسابها الرسمي على "فيسبوك": "أرجوكم افهموا أن حسام حسن هو المستهدف.. القصة مش قصة زوجتين خالص، القصة قصة أنه يمشي وأنه يتحارب وأن الموقف يبقى ضده ، لو في حد عاوز يوقع حد هيعمل نفس اللي بيحصل ده، أقفوا جانبه وأقفوا في ضهره حسام ملوش ذنب، وخرّجوا حسام من القصة".
وأضافت: "هي قصدها تدّخل حسام وتخلي الذنب ذنبه وتخليه غير قادر أنه يبعد بين البيتين، لكن حسام لا حول له ولا قوة".
وتابعت: "حب 11 سنة يخلي العلاقات كويسة ويفهمهم أن دول أخواتهم وأنه بيحبهم وجانبهم. ما تقفوش جانب لجان يا مصريين خليكوا أذكية.. الأكونت بتاعي بقاله 15 سنة بتنزل عليه صور ليا منهم من عشر سنين صور ليا أنا وجوزي وولادي، أشمعنى التوقيت ده وبعد النجاح اللي ظهر؟ كنتوا فين وحسام قاعد في البيت سنة من غير شغل؟ ماكنش ساعتها الصور والفيديوهات بيتعلق عليها".
واختتمت حديثها قائلة: "اعقلوها بس أقفوا جانبه وأنصفوه ومضيعوش إنجاز بلدكم. ما تنساقوش ورا لجان ورا ناس مدفوعة، امشوا ورا إحساسكم بس وربنا هيبين الحقيقة".
ويأتي حديث «دانا» في ظل حالة الجدل الواسعة بعد الفيديوهات المتداولة للخلاف العائلي والمشادة التي وقعت بين زوجتي حسام حسن بالساحل الشمالي .
كشف الإعلامي أحمد موسى، الكابتن ان حسام حسن عمل إنجاز تاريخي وكبير في تاريخه بكأس العالم، موضحًا أنه داعم بقوة له لأنه يمثل مصر وهو يقود المنتحب ولا يمثل نفسه.
وتابع خلال تقديم برنامج على مسئوليتي، المذاع على قناة صدى البلد: عتابي على الكابتن حسام حسن لما حدث في عائلته بين أولاده وزوجتيه الحالية والسابقة.
وأردف: طول عمرنا نعرف الكابتن حسام حسن عنده شخصية قوية وليه مواقف، وكل ما يتم تناوله معلومات متداولة ولا نود الدخول في الحياة الشخصية ولا نريد اهتزاز صورته أمام الناس.
واستطرد: مش عاوزين الملايين يكون عندهم قلق ومش مبسوطين من المشاهد اللي حدثت بالأمس القريب، وأنا بنصح الكابتن حسام لأني بحبه على المستوى الشخصي وبحب الكابتن إبراهيم.
وأكد أن حسام حسن اسم كبير عنده تاريخ كبير لامع، ولو حدث بالشكل اللي أنا شوفته لازم أقول عيب، لأنه ممكن يسحب من رصيد الكابتن حسام، لأنه الشخص القوي ده أغشي عليه لأنه مكانش مصدق اللي حصل.
واختتم الإعلامي أحمد موسى، مينفعش كل واحد ماسك تليفون يصور حياة الناس الخاصة، ولكن لينا علاقة باللي بيتعمل في أرض الملعب مع منتخب مصر.
