اللاعب : أنا مش هلعب فى مصر إلا للزمالك.. هو أنا إمام عاشور؟
برسالة حاسمة وشافية فند اللاعب أحمد مصطفى "زيزو" نجم نادي الزمالك ومنتخب مصر حقيقة ما نسب إليه من تصريحات حول موقفه من تجديد عقده مع النادي، واتهامه للإدارة بالمماطلة وعدم وجود رغبة حقيقية في الإبقاء عليه.
وكانت تصريحات قد انتشرت لزيزو شن فيها هجوما على الإدارة، بشأن المقابل المادي المعروض عليه للتجديد، بالإضافة إلى مقارنته ما تم عرضه عليه بما سيدفعه الزمالك لضم المغربي أشرف بن شرقي.
وقال زيزو عبر "انستجرام" للرد على ما نسب إليه من هجوم على إدارة النادي: "كل اللي بيحصل دا يبين لك قد إيه إحنا فاضيين، قد إيه الناس معندهاش حاجة واحدة مهمة في حياتها تعملها".
وأوضح أن "الحياة دلوقتي عبارة عن اتنين قاعدين مع بعض بيفكروا هيكدبوا في إيه النهارده، بيفكروا ازاي نفبرك أخبار ونولع الدنيا ونجيب ريتش".
وأضاف : "هتكلم متقلقوش بس كل حاجة ليها وقتها"
وأنهى اللاعب رسالته عبر انستجرام بنشر صورة قلب وقوس وسهم وهو رمز نادي الزمالك في رسالة طمأنة ضمنية حول مستقبله مع النادي.
وكان زيزو قد أدلى بتصريح صحفى بأنه لن يلعب في مصر سوي للزمالك.
وردا على سؤال.. هل ستلعب للأهلى؟
قال زيزو : ألعب في الأهلي؟ أنت بتتكلم مع زيزو مش مع إمام عاشور .. أنا مش هلعب في مصر إلا للزمالك.. مبفكرش ألعب للأهلي مع كامل احترامي لجماهيره ومسؤوليه.
وأضاف : أنا كلمتي واحدة مش هلعب إلا للزمالك وصعب أضحي بالشعبية الكبيرة اللي خدتها من جمهور الزمالك.
