وائل جمعة يفتح النار على كولر..وينتقد إمام عاشور وعطية الله

فتح وائل جمعة نجم الأهلي السابق،والمحلل بقنوات بي إن سبورت النار على المدير الفنى للأهلى مارسيل كولر عقب مباراة الأهلي مع الهلال السودانى فى ذهاب ربع نهائي دوري أبطال أفريقيا . وفاز الأهلى على الهلال السوداني بهدف، سجله محمد هاني. وقال جمعة: «كولر مش مركز مع الفريق وده واضح جدا في تغييراته خلال اللقاء، وفي الوقت اللي انت عاوز تسجل فيه هدف تاني بتطلع وسام أبوعلي وأشرف بنشرقي اللي كان ممكن يصنعوا الفارق». وأوضح: «خلال 80 دقيقة الناحية الشمال في الأهلي (ميتة) اللي مكونة من إمام عاشور اللي بعيد عن مستواه ويحيى عطية الله، فكان لازم يطلع واحد من لاعبي الارتكاز ويخلي إمام لاعب وسط، ويخلي بن شرقي في الناحية الشمال» وأضاف: «كولر بيعند مع بعض اللاعيبة في الأهلي، ومستواه مش زي أول سنة ليه في الأهلي». وقال جمعة: «الأداء اللي ظهر بيه الأهلي مش مطمن نهائيا، ولكنه طبيعي بعد فترة غياب كبيرة بدون خوض منافسات رسمية». كم وجه وائل جمعة انتقادا لـ إمام عاشور ويحيى عطية الله، لاعبا الأهلي، على إثر المستوى غير الجيد الذي ظهر به الثنائي خلال اللقاء.