مرتضى منصور . يعود من بوابة «بيومي» !

عاود المستشار مرتضى منصور رئيس نادي الزمالك السابق الظهور وفاجأ  متابعيه بتعليق بعيد عن الرياضة.. حيث تناول أزمة الفنان بيومي فؤاد والفنان محمد سلام والتي تصدرت محرك البحث جوجل ومنصات مواقع التواصل الاجتماعي خلال الأيام القليلة الماضية. ونشر مرتضى منصور، فيديو عبر حسابه الرسمي على تطبيق «تيك توك» أوضح خلاله وجهة نظره حول الخلاف الدائر على السوشيال ميديا، والهجوم على بيومي فؤاد، بعد تصريحاته بشأن اعتذار الفنان محمد سلام عن عدم المشاركة في مسرحية «زواج اصطناعي» تضامنًا مع القضية والشعب الفلسطيني. علَّق "مرتضي" قائلا: "زي ما انت يا محمد يا سلام عملت العقد واخدت العربون في السر اعتذر في السر عشان احنا مش جايين نعمل منظر خالص". واستكمل: "وأنت كده أحرجت أي حد هيشتغل طب لو هيعمل مسرحية في مصر وهيضحك ولا هي القصة الرياض، طب لو هيشتغل في تونس، طب هيروح مهرجان جرش يبقي خاين وعشان كده زميلك بيومي فؤاد، اللي أنا معرفوش شوف مكتوب عنه إيه الخاين العميل وكأنه هو اللي بيضرب أطفالنا بسببك أنت وأنت اللي عملت كده في زملائك". مضيفًا: "أنت عاوز تعتذر حقك والله العظيم وأنا لو مكانك هعتذر مش هروح بس لو جالك كوميدي هنا في مصر هتمثل لو مع أحمد مكي ولا هتقعد مش هتعمل كوميدي وهتبقى أمينة رزق، محمد أنت ممثل جميل وحذرت وقلت تصفية الحسابات، أنا مستاء من اللي بيحصل مع بيومي فؤاد، مع إن بيومي ده أهلاوي وحمى وبيني وبينه يعني مش طايقه بس شايف واحد عمال يتهزق ويتهان مع أن الموضوع سهل جدًا وزي ما انت عملت العقد في السر وخدت العربون في السر ورقة صغيرة أنا بعتذر وشكرًا". وأعلن المستشار مرتضي منصور مواصلة دعمه للشعب الفلسطيني جراء ما يحدث له من انتهاكات من قبل الكيان الصهيوني الذي خرق كل المواثيق والقوانين الدولية وسط صمت إعلامي غربي ودعم أمريكي وكشف عن لجوئه لمحكمة العدل الدولية لمحاسبة إسرائيل على جرائم الحرب وإبادتها للشعب الفلسطيني.